&أصحـــاب تــغـــــدر أصحــابــهـــا &

راااااااااااااااااااااائعه من روااااائع صالح آل مانعه المري ..

Very Happy

أصحـــاب تــغـــــدر أصحــابــهـــا :

يا ليل ما دامك ضويت و جيت فارحب لا ضويت

غير الهموم اللي معك يا ليل ويش ابغى بها

قد لي ثلاث امرار و انا كل ما شفتك لفيت

سلمت نفسي للهموم جباريٍ(ن) وارضابها

ادري كذا طبعك مع العالم لكنك ما دريت

انك نسيت البعض منهم ما طرقت ابوابها

انا لو إنّي مثل ابن هذال ولا بن نحيت

كان البيوت الغامضه عرفت كيف ابدابها

لكن بوضح ذا القصيده كل شطر وكل بيت

حتى يفسرها الفطين من وين ماغنى بها

وردت لي عدٍ وانا ضميان وابغى لي مبيت

وحصلت ناسٍ تشرب وناسٍ ملت مشرابها

فاخذت منه ما يبل الريق لكن ما ارتويت

عدتني من العد قومٍ وقفت بحرابها

فكضمت من مابي على راس البهام ولا حكيت

لأن الليال السود قدمي كشرت بأنيابها

الله اكبر يازمان الغدر والحظ المميت

عز الله انكم فزعةٍ في الضيق ما يغزابها

خلقت في الدنيا على احسن حال لكن ما وعيت

الا وانا بين الأسود الجايعه و ذيابها

و الله اكبر يا رفيق الأمس ما أظنك نسيت

حتى تجاهلت الجمايل فيك وانت ادرااااابها

عزالله اني خاب ظني فيك واني ماهقيت

ان المصايب يا قليل العرف انت اسبابها

عديتني والعد جمه و انت ما عمرك ضميت

حتى تعرف ان الضمى لا ناش كبدٍ ذابها

لكن بأقول الله يجزاك خير كفيت و وفيت

ولابد من سود اليال تنوشك بمخلابها

ياعد ليييه الناس رويت منك وانا مارويت

ولا على قول المثل ( لاول غبش واقفابها )

انا بعد عندي مثل يقنعك دامك ماكتفيت

ترا المثل قد قال ( اهل مكه تعرف اشعابها )

وانا ضويت وجيت وأدر اني ليا مني ضويت

يعني ضويت ( اما بها ولا بقطع ارقابها )

ياليييل قصة حزن عنوّنها ليا منك سريت

من بين قوسين اكتب ( اصحابٍ تغدر اصحابها )

أتمنى تعجبكم
تحيااااااااااااتي لكم
queen