اشعار الامير الراحل طلال الرشيد(1)

أول القصائد قصيدة.. أشر بعينك..


أشر بعينك مو ضروري تكلم ولا بعد حتى تحرك يدينك..
وكلن على تنفيذ امرك تولم يامن يغار الورد من وجنتيه..
اللي يعرف الذوق منك تعلم واللي أشتهر بالزين به ربع زينك..
وحتى القمر من يوم شافك تظلم يضيع نوره لا تبين جبينك..
أنا ترى جيتك لحسنك مسلم وعقلي وقلبي كلهم عاشقينك..
سلم تراني جيت يمك أسلم يميل قلبي لا جت يميني تصافح يمينك..
وأبد أبد ماهو ضروري تكلم وإذا لزم حاجه بس أشر بعينك..




وهذي قصيدة .. أموت في حبه..


أكيد أحبه أكيد أموت في حبه أكيد أنا بفقده لا غاب عن عيني..
غلاه مدري كذا يجيك من ربه من يوم شفته وحبه ساكن فيني..
موج الغلا صار يلعبي ويلعبه أغليه أنا وزاد قدره يوم يغليني..
الشوق لاغاب كنه نار مشتبه ولا في شئ سوى شوفته يرضيني..
هذا لحاله ما أحد فيه يتشبه مافيه غيره يحركني ويغليني..
الزين يذبح وحتى الخال له حبه لا شفتها فيه ضعت قلت أنا ويني..
غصب علي غصب أمدح فيه وأكتب به أما خذاني لشعري من يوديني..
والله أحبه وأموت في حبه ومن يوم شفته وغيره طاح من عيني..




وهذي قصيدة .. من يشبهك؟؟



صدق أربعين من الشبه يخلق الله الا أنت واحد دون تسع وثلاثين..
من يشبهك يامالك الحسن كله من يشبهك ياسيد كل المزايين..
يابو رموش فوق خدك مظله عقبك غدو كل المزايين مساكيين..
دقة بغيرك وأنت ماخذ جله عليك ماشاءالله لا تصيبك عين..
قلبي حلالك أملكه وأستحله حلالك لحالك ولا فيه ثانيين..
أقسى القلوب لين شافك تتله ينسى القساوة ياهوى القلب ويلين..
والهرج عنك أن طال والله ماأمله ماأمل لو سولفت أنا عنك سنين..
واحد وطير خافقي من محله وشلون أجل لو في تسع وثلاثين..

دمتم بــــود

طلال الرشيد ..وما ادراك ما طلال الرشيد ..رحمه الله

شاعر مبدع ,,وقدوه لي انا شخصيا بالشعر ..مع دايم السيف ..

احساس غير طبيعي .. وكلمات تقارب الخيال ..

شاعر ...وبكل معنى الكلمه ..رائع ..

تغنى له فنان العرب في كثير من الأغاني ..اذكر منها ...احبه حيل ..وأحوال .

اشكرك على طرح هذه القصائد التي لا تأتي قطره في بحر هذا المبدع ..


وجميل هو بكل ما قدمه ..

مع حبي
عبدالله

تسلم يبه