غفوة زمن ..

هذه قصيده ..مناسبتها واضحه ..

حبيت اطرحها فهالمكان ..

غفوة زمن..

مرت سنين والظلمه فالعيون تكبر
اخاف هالضلمه فالخواطر تكثر
ماني شايف بالنظرات حب وحنين
ماني شايف غير جفا ما تكسر
اناظر الحال والوقت يمضي ويطول
معقول حبل الوصال انتهى معقول
وين الوعد الي قطعناه من غير حروف
وين اللقا الي بكل يوم اشوفه ايتأخر
ماعدنا نسعى نجتمع ولاعدنا نلتقي
والدقايق الي تجمعنا انتمناها تنتهي
اقنعه على الوجوه باينه للي يشوف
خذتنا اوقات الحياه من بقى ما تغير
ان سألت قالوا الحياه اصبحت صعبه
وان سألت العيون دريت انها كذبه
حجة تلغي العتب وتزيد فيني التعب
قلبي على هالحال بالحيل تكدر
النفوس على بعضها باين انها شايله
ما تعودنا نجامل والمجامله باينه
لي متى والحال يمشي للمجهول
ليه ماننسى ماضيٍ راح وتبعثر؟
وينها من السنين الي مضت ليالينا
محاها الفراق والا الفراق ساكنٍ فينا
كنت أظن لو الكون تغير ما بتفرق
كنت اظن وصلنا بالي جرى ما ايتأثر
اجمعوا الماضي وخلي المستقل ينرسم
خلنا نبقى بحبل الله متمسكين ولا ننقسم
ما تعودنا على ان الوصل ايتمنانا
تعودنا نسعى للوصل الي اشوفه ايتبخر
الطيور تجي وتروح على ذيك الاغصان
ولو ارحلت بيبقى الغصن بنفس المكان
احنا الغصن واحنا الأصل واحنا الوفا
احنا الي كم اتمنى ان وصلنا ما يتغير
لا بد نراجع الحسبه ونرجع من جديد
ترى الوفا بقلوبكم شي واضح واكيد
لكن باين علينا نعيش بغفوة زمن
وكم ادعي هالغفوه ما اتطول فينا اكثر ..


مع حبي
عبدالله دلول

هلا فيك اخوي الهوى الغايب
ويسلم السانك ع الكلام الحلو

ولا تحرمنا من كتاباتك

صح لسااااانك عزيزي
تقبل تواجدي...