الفرق بين مهند وشباب الخليج " محد يزعل "

بسم الله الرحمن الرحيم

في الحقيقه والواقع .. المقارنه ثقيله على جبد الشباب .. لكن هذا شي ( لابد ) ان يكون .. عشان شبابنا المحترمين .. دايما كانو يقارنون بنات الخليج بـ هيفا ونانسي و رولا وغولا وغوريلا .. لكن جا الوقت اللي لازم يشوفون الحقيقه بعيونهم الاربع





يرجع من الدوام في الشركة .. يروح لـ نور .. يبوس راسها .. وبحنان يحضنها .. الللله يا حلاتهم عصافير الجنة .. يقولها :


( وحشتيني .. ما بـقدر اتحمل بُعدك عني ! بكفــي 8 ساعات بالشركة ما بشوووفـك ..! )





يرجع الخليجي من الدوام .. يروح لـ زوجته .. ويهه مكشر صايدته الشمس .. يدش على زوجته لا سلام ولا كلام .. يفصخ هدومه ويحذفهم على السرير او على الشماعة .. ويزيد على برودة المكيف ويقول لزوجته :


( بسرعه حطي الغدا ميت يوووع .. المدير ذبحني بالشغل الله ياخذه ! بسررررررررعه حطي الغدا ما تشوفيني تعبان وابي اكل وانام ؟؟ )







نور حامل .. يا الله على الدلع ! خايف عليها من نسمة الهوا .. ويقولها :


( كلّي حبيبتي مشانك ومشان ابننا ! وديري بالك على صحتك .. وما تزعلي ابـــداً مشان البيبي ما يزعل منــــووووووب )





مرت الخليجي حامل ! ومسكينه الحرمه متنسيه بـ تفاح اخضر .. عاد يقولها :


( اووووووووفففف !! شوفي لا اتنسين فوق راسي !! بلعي تفاح احمر وانتي ساكته .. مو لازم اخضر ! اهو كله تفاح .. لا اتفلسفين علي )







مهند طالع مع نور السوق .. يشترون لهم هدوم .. ودار الحوار التالي :


نور : حبيبي .. شو رايك بالفستان الاحمر .. حلو مو ؟!
مهند : أيـــــــه ! حلو كتير .. بس لو لبستيه بيجنن اكتر .. انتي بتحلّي الفستان !
نور ( مستحيه ) : بحبـــــــــــك .. دخيلك منين جايب كل هالغزل هااد ؟
مهند : دخيلك انتي ! تؤبرنـــي ابتسامتييك شو حلوه !





الخليجي طالع مع زوجته السوق .. ما دار بينهم حوار .. ليش ؟!
لان اهو يمشي قدام .. وهي وراه تركض ..


وكل اللي قاله ( بسرعه خلصي .. ابي ألحق على ديوانية الربع ) !







قام من النوم نص الليل .. ما شاف زوجته يمه .. جان يخاف .. راح يدورها ويحاتيها .. ويوم لقاها رايحه تشرب ماي بالمطبخ .. قال لها


( لِـــك ! شغلتي بالي عليكــي .. وين كنتي ؟! بتشربي ميّ ؟! بالهنا حبيبتي مطرح ما يسري يمري )





قام من النوم نص الليل .. ما شاف زوجته يمه .. فتح الليتات .. قام يصارخ :


( فطووووووووووووم ويهـــــــد .. فطووووووووووووم وطاعون .. فطووووم وايدز .. فطووووم كنسر ان شاء الله .. وينج انتتتتتتتي ؟؟!! خليتي باب الدار مفتوح نص سنتيمتر .. وهوا المكيف كله طلع برا وصار حرررر .. ما تحسين .. دمج بارد .. الله ياخذ اليوم اللي فكرت اخذج من اهلج فيه )







قاعد يقرا كتاب .. وفجاه ياته نور .. لابسه فستان يديد .. وصار هالحوار ..


نور : حبيبي شو رايك بالفستان الجديد ؟!
مهند : بيجنن عليكي ! اخذ من جمالك قطعـــه ..





قاعد يطالع مباراه ريال مدريد وبرشلونه .. خو شبابنا مو مال كتب وثقافه !
و زوجته مستانسه بالفستان اليديد .. تبيه يشوفها .. طافت جدامه عشان يشوف .. وصار هالحوار :


الخليجي : قوووووووووووومي قامت ركبّج وما اقعدت ! ما تشوفيني اطالع المباراه ؟!
الزوجه : حبيبي شفيك .. كنت ابيك تشوف فستاني اليديد .. شرايك ؟!
الخليجي : وجذي تخربين علي المباراه .. ما شفت حركة رونالدينهو الحين طافتني كله منج !
الزوجه : انزين عاااد .. شرايك بالفستان ؟!
الخليجي : شالموضة الخايسه اللي طالعين فيها انتو يالبنات ؟! هذا فستان بذمتج ؟! لو لابسه خيشة البصل وايد احلى .. مخصره خيشة البصل ما تفرق !!



.
.
.


طبعا الفروق لو بقعد من الصبح للحين .. ما بخلص ..
لان 180 درجه فرق .. ولكن شنسوي .. الله كاتب لنا ان نجابل شبابنا
ونحتسب الاجر عند الله ..


الله ياجركم يا بنات الخليج ..
صدقوني .. كله اجر وثواب

اها خير خير ان شاء الله شصاير

و الله احنا مافي احلى منا

بلا مهند بلا بطيخ


كل ماتحتاجه الحياه موجود عنا

بس للأسف مافي تقدير

هع هع هع

ايش نسوي

و فوق كل هذا تشوف الحريم يبون كل شي

ابي هذا و ابي ذاك

كل شي كل شي

الله بيعين




شكرا

هههههههههههه

الله يخليلنا شباب ديرتي

ماقلنا شي

اسفه اذا زعلتك

هو بس للضحك مو اكثر

محد يزعل مني شباب

امممممم...المشكله ناسينين هاي كله تمثيل



وبعدين


اللي يحب زوجته بيعاملها احسن منهم..اما اللي ما يحبها الله يعينهم

عيني عليك ادمن



لا لا الموضوع مافي زعل و لا خرابيط


احنا الأصل
و خلك من التمثيل

مشكوين ع المرور

وارجوكم محد يزعل

هيك شي مافي مقارنهبين فلان وعلان

كل واحد والو طريقتو بعدين ممكن تلاقي خليجيي بيسوى 10000 من سي مهند

اكيد

وليش الزعل والعصبيه حبيبتي المنسيه !!!

مشكوره ع المرور

مو عصبيه حبيبتي بس مهند صار اسطوره وهو مابيسوى شي
وهو اساسا حروف انكتبت من الخيال او من الحلم الي بنتمنى يكون حقيقه
وصرنا نقارن شبابنا فيه

يسلمووو عزيزتي

انا معاج بالي تقولينه

بس ما ادري ليش الناس منجذبين له

اكيد حاسين بنوع من انواع النقص !!!

مشكوره